Malinis na Enerhiya na Maaasahan Ninyo
Ang CleanPowerSF ang inyong provider ng lokal at malinis na kuryente. Ipinagmamalaki naming magbigay ng abot-kaya, maaasahan, at malinis na enerhiya sa mga taga-San Francisco tulad ninyo.
Noong nakaraang taon, nagawa naming:
Tulungan ang aming mga customer na makatipid ng mahigit $50 milyon sa kanilang mga singil sa kuryente kumpara sa PG&E.
Maghatid ng mahigit $350,000 na rebate sa e-bike para sa mga customer na may mababang kita.
Tumulong na mabawasan ng kalahati ang polusyon sa klima ng San Francisco kumpara sa mga antas noong 1990!
Mga Pinagmumulan ng Enerhiya
Ang enerhiya na nagpapagana sa inyong bahay o negosyo ay nagmumula sa iba't ibang green na pinagmumulan tulad ng solar, hangin, hydroelectric at geothermal. Makabubuti sa ating planeta at sa ating kalusugan ang mga pinagmumulan na ito ng malinis na enerhiya.
Tuklasin ang ilan sa aming mga pinagmumulan ng enerhiya sa ibaba.
Power Content Label
Nakakatanggap ang mga customer ng CleanPowerSF ng taunang abiso na nagpapakita kung saan namin kinuha ang kuryente na nagpagana sa inyong bahay o negosyo noong nakaraang taon. Para itong label ng nutrisyon para sa kuryente.
Ipinapakita ng label na ito na ang kuryenteng natanggap mo mula sa CleanPowerSF noong 2023 ay ganap na nagmula sa malinis at nababagong mga mapagkukunan. Ipinapakita rin ng label na ang mga serbisyo ng CleanPowerSF ay mas malinis kumpara sa karaniwang halo ng kuryente para sa California.